Alliance Française í Reykjavík

Alliance Française er frönskuskóli, franskt bókasafn og menningarmiðstöð

Tryggvagata 8, 101 Reykjavík
alliance@af.is

Árbæjarsafn

Árbæjarsafn er útisafn og þar eru yfir 20 hús sem mynda torg, þorp og sveit. Flest húsin hafa verið flutt úr miðbæ Reykjavíkur. Þar er leitast við að gefa hugmynd um byggingalist og lifnaðarhætti í Reykjavík og á sumrin má þar sjá húsdýr og mannlíf fyrri tíma. Í safninu er boðið upp á fjölda sýninga og viðburða, þar sem einstökum þáttum í sögu Reykjavíkur eru gerð skil.

Kistuhylur
110 Reykjavík
arbaejarsafn.is

Ásmundarsafn - Listasafn Reykjavíkur

Ásmundarsafn er helgað verkum Ásmundar Sveinssonar myndhöggvara (1893-1982) og var opnað formlega 1983. Það er til húsa í einstæðri byggingu sem listamaðurinn hannaði að mestu sjálfur og byggði á árunum 1942-50. Formhugmyndir hússins eru sóttar til Miðjarðarhafins, í kúluhús araba og píramída Egyptalands. Í byggingunni var bæði heimili og vinustofa listamannsins.

Sigtún
105 Reykjavík
listasafnreykjavikur.is

Borgarbókasafn Reykjavíkur - Aðalsafn

Borgarbókasafn er almenningsbókasafn Reykvíkinga og er öllum opið. Þar er hægt að fá bækur af öllum toga og margt annað efni að láni, svo sem tónlist, kvikmyndir, tímarit og myndlist. Safnið stendur að auki fyrir fjölbreyttri dagskrá fyrir börn, unglinga og fullorðna allt árið um kring. Borgarbókasafn samanstendur af 7 söfnum, bókabílnum Höfðinga og sögubílnum Æringja.

Grófarhúsi
Tryggvagata 15
101 Reykjavík
borgarbokasafn.is

Borgarskjalasafn Reykjavíkur

Meginverkefni Borgarskjalasafns er móttaka eldri skjala frá stofnunum og fyrirtækjum borgarinnar, eftirlit og leiðbeiningar um skjalastjórn til stofnana borgarinnar og afgreiðsla fyrirspurna. Einnig söfnun einkaskjalasafna frá einstaklingum, félögum og fyrirtækjum í Reykjavík og kynning og miðlun safnkostins.

Grófarhús
Tryggvagata 15
101 Reykjavík
borgarskjalasafn.is

Bókasafn Garðabæjar

Bókasafn Garðabæjar er öllum opið, bæði börnum og fullorðnum. Þar má finna úrval bóka, tímarita og annarra gagna til fróðleiks og skemmtunar.
Bókasafn Garðabæjar er upplýsinga- og menningarstofnun.

Garðatorgi 7
210 Garðabæ
gardabaer.is/bokasafn/

Bókasafn Hafnarfjarðar

Bókasafn Hafnarfjarðar er lifandi almenningsbókasafn í hjarta miðbæjarins. Setustofan með nýjustu tímaritunum og barnadeild safnsins eru notalegar og gott að eiga rólegheitastundir þar. Bókasafnið lánar ekki bara út bækur – það starfrækir stærstu tónlistardeild á landinu með ókeypis útlánum - og mynddeild sem býður upp á gott úrval af nýjum og eldri kvikmyndum með langri helgarleigu. Lesstofa er fyrir nemendur í framhalds- og háskólum og safnið hýsir Þýska bókasafnið. Bókasafn Hafnarfjarðar er í samstarfi við bókasöfnin í Kópavogi, Garðabæ og á Álftanesi. Hafi lánþegi gilt skírteini í einu safnanna getur hann nýtt sér þjónustu þeirra allra.

Strandgata 1
220 Hafnarfjörður
hafnarfjordur.is/bokasafn

Bókasafn Kópavogs

Almenningsbókasafn, staður fyrir alla

Hamraborg 6a
200 Kópavogur
bokasafnkopavogs.is

Byggðasafn Hafnarfjarðar

Vesturgata 8
220 Hafnarfjörður
hafnarjordur.is/byggdasafn

Gljúfrasteinn

Gljúfrasteinn var heimili og vinnustaður Halldórs Laxness og fjölskyldu hans um hálfrar aldar skeið. Íslenska ríkið keypti húsið árið 2002, þegar öld var liðin frá fæðingu skáldsins, og tveimur árum síðar var það opnað almenningi. Húsið er safn Halldórs Laxness þar sem heimili og vinnustaður hans eru látin haldast óbreytt.

Gljúfrasteinn
270 Mosfellsbær
gljufrasteinn.is

Hafnarborg

Grunnurinn að Hafnarborg, menningar- og listastofnun Hafnarfjarðar, var lagður árið 1983, með gjöf þeirra hjóna Sverris Magnússonar og Ingibjargar Sigurjónsdóttur en þau gáfu Hafnarfjarðarbæ húseignina að Strandgötu 34 í Hafnarfirði ásamt listaverkasafni sínu og bókasafni. Hafnarborg var formlega opnuð sem menningar- og listastofnun Hafnarfjarðar í maí 1988 og varðveitir listaverkasafn Hafnarfjarðar og er rekin af Hafnarfjarðarbæ.

Strandgata 34
220 Hafnarfjörður
hafnarborg.is

Hafnarhús - Listasafn Reykjavíkur

Hafnarhúsið er við hafnarbakkann í miðbæ Reykjavíkur. Hafnarhúsið er vettvangur Listasafns Reykjavíkur fyrir samtímalistir með áherslu á nýja miðla og fjölbreytt sýningahald á íslenskum og erlendum listamönnum. Í Hafnarhúsinu eru heimkynni Errósafnsins og þar eru reglulegar sýningar á verkum listamannsins.

Tryggvgata 17
101 Reykjavík
listasafnreykjavikur.is

Héraðsskjalasafn Kópavogs

Safnið fer með umboð Þjóðskjalasafns á Kópavogssvæði og nær verksvið þess ekki einungis til bæjarkerfisins heldur einnig félaga, fyrirtækja og einstaklinga í bænum.

Hamraborg 1
200 Kópavogi
Héraðsskjalasafn Kópavogs

Hofsstaðir, minjagarður

Minjagarðurinn að Hofsstöðum er aðili að Samtökum um sögutengda ferðaþjónustu.
Garðurinn geymir minjar frá 9. öld og hafa rannsóknir varpað ljósi á líf og starfs fólks við upphaf byggðar á tímum víkinga.

Garðatorgi
soguslodir.is

Hugmyndahús Háskólanna (Gamla Erlingssen)

Hugmyndahús háskólanna, sem er samstarfsverkefni Háskólans í Reykjavík og Listaháskóla Íslands. Hugmyndin á bak við verkefnið er að leiða saman ólíka einstaklinga úr öllum atvinnugreinum.

Grandagarði 2
101 Reykjavik
hugmyndahus.is

Íslensk grafík - Grafíksafn Íslands

Íslensk grafík var stofnað árið 1954 af Jóni Engilberts, Jóni Þorleifssyni, Veturliða Gunnarssyni, Jóhannesi Jóhannessyni, Benedikt Gunnarssyni, Kjartani Guðjónssyni og Hafsteini Guðmundssyni. Markmið félagsins er að vera hagsmunafélag íslenskra grafíklistamanna, að stuðla að framgangi grafíklistar á Íslandi.

Tryggvagötu 17 (hafnarmegin) 
101 Reykjavík
islenskgrafik.is

Kjarvalsstaðir - Listasafn Reykjavíkur

Kjarvalsstaðir voru teknir í notkun árið 1973 en höfðu þá verið í byggingu frá árinu 1966. Arkitekt er Hannes Kr. Davíðsson en þetta er fyrsta byggingin á Íslandi sem sérstaklega er hönnuð fyrir myndlist. Auk tímabundinna sýninga á Kjarvalsstöðum eru þar reglulega sýningar á verkum Jóhannesar S. Kjarvals (1885-1972). Kjarval skipar sérstakan sess í íslenskri menningar- og listasögu sem einn ástsælasti listamaður þjóðarinnar fyrr og síðar.

Flókagata 24
105 Reykjavík
listasafnreykjavikur.is

Kvikmyndasafn Íslands

Bæjarbíó
Strandgötu 6
220 Hafnarfirði

Landnámssýningin Reykjavík 871±2

Á sýningunni gefur að líta rúst af skála frá 10. öld sem fannst hér við fornleifauppgröft árið 2001 og kynnast má lífinu á landnámsöld með nýjustu margmiðlunartækni.

Aðalstræti 16
101 Reykjavík
minjasafnreykjavikur.is

Listasafn ASÍ

Safnið var stofnað árið 1961 þegar iðnrekandinn og bókaútgefandinn Ragnar Jónsson í Smára gaf Alþýðusambandinu listaverkasafn sitt. Safnið er eign Alþýðusambands Íslands og starfar samkvæmt reglugerð samþykkri af miðstjórn þess.

Ásmundarsal
Freyjugata 41
101 Reykjavík
listasafnasi.is

Listasafn Einars Jónssonar

Listasafn Einar Jónssonar á Skólavörðuhæð var opnað árið 1923 og hýsir heildarsafn verka Einars Jónssonar myndhöggvara. Auk sýningarsala er turníbúð listamannsins og Önnu Jónsson eiginkonu hans til sýnis. Opinn höggmyndagarður með inngang frá Freyjugötu er við húsið.

v/ Eiríksgötu og Freyjugötu
skulptur.is

Listasafn Íslands

Listasafn Íslands er þjóðlistasafn og merkasta safn íslenskrar myndlistar þar sem finna má verk eftir alla helstu myndlistarmenn þjóðarinnar.

Fríkirkjuvegur 7
101 Reykjavík
listasafn.is

Listasafn Kópavogs - Gerðarsafn

Listasafn Kópavogs-Gerðarsafn á merkt safn eftir flesta af helstu listamönnum þjóðarinnar. Einkasafn Þorvaldar Guðmundssonar og Ingibjargar Guðmundsdóttur er í vörslu Gerðarsafn. Sýningarhald er fjölbreytt.

Hamraborg 4
200 Kópavogur
gerdarsafn.is

Listasafn Sigurjóns Ólafssonar

Listasafn Sigurjóns Ólafssonar hýsir höggmyndir og teikningar eftir Sigurjón Ólafsson myndhöggvara ásamt heimildum um listamanninn og er miðstöð rannsókna á list hans. Safnið er sjálfseignarstofnun, stofnuð að listamanninum látnum á heimili hans og vinnustofu árið 1984 og opnað almenningi 1988.

Laugarnestangi 70
105 Reykjavík
lso.is

Ljósmyndasafn Reykjavíkur

Hlutverk Ljósmyndasafns Reykjavíkur er að varðveita ljósmyndir, glerplötur, filmur og skyggnur með þeim hætti að borgarbúar og gestir þeirra hafi sem bestan aðgang að ljósmyndun í eigu safnsins. Safninu er ætlað að byggja upp og varðveita safn íslenskra ljósmynda sem varpa ljósi á sögu greinarinnar, skrá það, varðveita og sýna. Leitast skal við að afla myndasafna sem endurspegla sem best íslenskan ljósmyndaarf, sem og myndefnis sem tengist Reykjavík. Markmið safnsins er að kynna bæði sögulega og samtímaljósmyndun í listrænu, félags- og menningarlegu samhengi.

Grófarhús
Tryggvagata 15
101 Reykjavík
ljosmyndasafnreykjavikur.is

Lækningaminjasafn Íslands - Nesstofa

Lækningaminjasafn Íslands er miðstöð safnastarfsemi á sviði lækna- og heilbrigðisvísinda. Safnið rekur Nesstofu sem var byggð á árunum 1761- 1763 sem embættisbústaður landlæknis. Húsið er eitt af elstu steinhúsum landsins og er hluti af húsasafni Þjóðminjasafns Íslands.

Bæjarskrifstofur Seltjarnarness
Austurströnd 2
170 Seltjarnarnes

laekningaminjasafn.is

Lyfjafræðisafnið við Neströð á Seltjarnarnesi

Í Lyfjafræðisafninu eru til sýnis helstu tæki, sem notuð hafa verið til lyfjagerðar öldum saman. Einnig er í safninu hægt að sjá sýnishorn af apóteksinnréttingum, sem eru frá fyrstu tugum seinustu aldar.

Neströð
170 Seltjarnarnes

Minjasafn Orkuveitu Reykjavíkur

Minjasafnið er í senn byggðasögusafn og eitt fárra tækniminjasafna landsins. Þar eru varðveittir hvers kyns gripir er tengjast sögu veitufyrirtækja Reykjavíkur í hálfa öld.

Rafstöðvarvegur - Elliðaárdal
109 Reykjavík
or.is/minjasafnid

Molinn

Molinn er menningar- og tómstundamiðstöð ungs fólks á aldrinum 16–24 ára og gjöf bæjarstjórnar handa ungu fólki í bænum á 50 ára afmæli bæjarfélagsins 2005.

Hábraut 2
200 Kópavogur
molinn.is

Náttúrufræðistofa Kópavogs

Náttúrufræðistofan stendur fyrir sýningarhaldi á íslenskri náttúru og sinnir rannsóknum á sviði líffræði. Aðgangur er ókeypis.

Hamraborg 6a
200 Kópavogur
natkop.is

Norræna húsið

Hlutverk Norræna hússins er að miðla norrænni menningu. Þar fara fram listsýningar, tónleikar, fyrirlestrar og ráðstefnur.
Í húsinu er stærsta bókasafn á Norðurlöndum sem hefur eingöngu norrænar bækur. Veitngahúsið Dill hefur aðsetur í húsinu á matseðli
þeirra er að finna Ny nordisk mat. Finnski arkítektinn Alvar Aalto hannaði Norræna húsið.

Sturlugata 5
101 Reykjavík

nordice.is

Samband íslenskra myndlistarmanna

Samband íslenskra myndlistarmanna (SÍM) var stofnað árið 1982. SÍM er hagsmuna og stéttarfélag liðlega 700 starfandi myndlistarmanna og rekur vinnustofur listamanna.

Hafnarstræti 16
101 Reykjavík
sim.is

Sögusafnið

Í Sögusafninu eru 17 mjög raunsæjar leikmyndir frá þekktum atburðum og 30 sögufrægum persónum úr Íslandssögunni. Þetta er líflegt safn þar sem gestum gefst tækifæri til að kynnast Íslandssögunni í máli og myndum á skemmtilegan og fræðandi hátt.

Perlan
sagamuseum.is

Tónlistarsafn Íslands

Hlutverk Tónlistarsafns Íslands er að safna og miðla heimildum um íslenska tónmenningu í fortíð og nútíð.

Hábraut 2
200 Kópavogur
tonlistarsafn.is

Víkin - Sjóminjasafn

Frá upphafi byggðar á Íslandi hafa landsmenn byggt afkomu sína að meira eða minna leyti á fiskveiðum. Byggð við Faxaflóa var mjög háð fiskveiðum og útgerð og þéttbýlismyndun í Reykjavík og Hafnarfirði á 19. öld átti nánast alfarið rætur sínar að rekja tiil sjávarútvegs. Á 20. öld breyttust kjör Íslendinga gríðarlega til hins betra og í þeirri uppbyggingu skiptu fiskveiðar sköpum. Sjávarútvegur hefur því um langt skeið verið undirstaða velmegunar á Íslandi. Það er því skylda Íslendinga að halda vel utan um sögu og þróun sjávarútvegs og kynna komandi kynslóðum hér á landi, sem og erlendum gestum, hvernig sambúð Íslendinga var og er í dag við hafið og lífríki sjávar. Sjóminjasafninu í Reykjavík er m.a. ætlað að standa þá vakt.

Grandagarður 8
101 Reykjavík
sjominjasafn.is

Þjóðmenningarhúsið

Þjóðmenningarhúsið er vettvangur fyrir íslenskan þjóðararf í hnotskurn. Starfsemin felst einkum í fjölbreyttu sýningahaldi.

Hverfisgata 15,
101 Reykjavík
thjodmenning.is

Þjóðminjasafn Íslands

Þjóðminjasafn Íslands er vísinda- og þjónustustofnun í eigu íslenska ríkisins. Því er ætlað að vera miðstöð þjóðminjavörslu og rannsókna á menningarsögulegum minjum í landinu. Hlutverk þess er að auka og miðla þekkingu á menningararfi íslensku þjóðarinnar frá upphafi til vorra daga og stuðla að því að sem flestir geti haft gagn og gaman af sögu og minjum lands og þjóðar. Meginhluti safnhússins hýsir grunnsýningu Þjóðminjasafnsins: Þjóð verður til - menning og samfélag í 1200 ár.

Suðurgata 41
101 Reykjavík
natmus.is

Þjóðskjalasafn Íslands

Þjóðskjalasafn Íslands er skjalasafn íslensku stjórnsýslunnar, þ.e. ráðuneyta, opinberra stofnana og fyrirtækja, en tekur einnig við og varðveitir einkaskjalasöfn einstaklinga og félaga. Þjóðskjalasafn varðveitir einnig skjöl sveitarfélaga, nema þau reki héraðsskjalasafn. þá veitir Þjóðskjalasafn ráðgjöf um opinbera skjalavörslu og er jafnframt rannsóknarstofnun í íslenskri sögu og skjalfræðum.

Laugavegur 162
105 Reykjavík

skjalasafn.is